काठमाडौँ । अजिरकोट गाउँपालिकाभरी १० जना कोरोना भाइरसका संक्रमित रहेका छन् । अजिरकोट गाउँपालिका ३ का वडा अध्यक्ष तयाराज गुरुङका अनुसार १० संक्रमितमध्ये ७ जना होम आइसोलेसनमा छन् । बाँकी तीन जना भने एक जना चितवन, एक जना भरतपुर र एक जना काठमाडौँ रिफर भएका छन् । अहिले अजिरकोट गाउँपालिकाको वडा नम्बर ३ र वडा नम्बर ४ मा सक्रिय संक्रमितको संख्या धेरै रहेको बताइएको छ । अजिरकोट गाउँपालिकाभित्रका संक्रमितमध्ये होम आइसोलेसनमै रहेकालाई जनप्रतिनिधि र स्वास्थ्यकर्मीको टोलिले नियमित भेटघाट तथा टेलिफोन गरेर स्वास्थ्य अवस्था बारे जानकारी लिने, सल्लाह दिने काम गरेको गुरुङको भनाइ छ । गाउँपालिकाभित्र अहिलेसम्म पुरुष २२ जना र महिला ११ जना संक्रमित भइसकेका छन् ।...