काठमाडौं : नेपाल सरकारका पूर्व सचिव तथा विज्ञ भीम उपाध्यायले आफूले उर्जामन्त्री वर्षमान पुनलाई धन्यावाद दिए। त्यसो त मन्त्री पुनले पनि पूर्व सचिव उपाध्यायलाई नै ढुक्क हुन र कुलमानलाई नै विद्युत प्राधिकरणको कार्यकारी निर्देशकमा पुन नियुक्त गर्ने खबरहरु आइरहेका छन्।
भीम उपाध्यायले नेता भनेकै जनताको चाहना बमोजिम हिँड्ने वर्ग हुने पनि बताएका छन्। उनले फेसबुकमा लेखेका छन्, ‘नेता भनेकै जनताको चाहना बमोजिम हिड्ने वर्ग हुन्छ। कुलमानका बारेमा जनता ढुक्क छन्, जनताको कुरा नेताले गर्छ। सरकारले कुलमानलाई अर्को कार्यकालको भारी बोकाउने भएको छ। सरकारले कार्य सम्पादन गर्नैपर्छ।’
उपाध्यायले कलमानुले पनि कार्यक्षमता देखाएकोले सरकारले उनलाई पुन नियुक्त गरेर सही निर्णय गर्ने पनि विश्वास लिएका छन्।
‘कुलमानले क्षमता देखाएका छन्। सरकारले सही निर्णय गर्दैछ। सरकार काम चाहन्छ र जनताले पनि आफ्नो मन सरकारले राखेको हेर्न चाहिरहेको छ’ उनले भनेका छन्, ‘जनता र सरकार दुबैको जीत–जीत। यसका लागि मैले मन्त्री वर्षमानजीलाई धन्यबाद दिएको छु।’
फेसबुकबाट प्रतिक्रिया दिनुहोस