काडमाडौं । कोभिड–१९ अर्थात कोरोना भाइरस विरुद्धको खोप यहि माघ १४ गते बुधबारदेखि लगाइने भएको छ । पहिलो चरणमा कुल ४ लाख ३० हजारलाई खोप दिइने भनिएको छ ।
भरत सरकारले १० लाख डोज ‘कोभिसिल्ड’ नामक कोरोना खोप नेपाललाई अनुदान सहयोग गराएको हो । उक्त खोप यहि माघ १४ गते बुधबार विहान १० बजेबाट लगाउन सुरु गरिने स्वास्थ्य तथा जनसंख्यामन्त्री हृदयेश त्रिपाठीले जानकारी दिएका छन् ।
अभियानको उद्घाटन प्रधानमन्त्री केपी शर्मा ओलीले गर्नेछन् र काठमाडौं उपत्यका लगााएत देशका सात प्रदेश र ६२ वटा अस्पताल भर्चुअल माध्यमबाट जोडिनेछन् । १८ गतेभित्र ७७ जिल्लाका ३०० भन्दा बढी केन्द्रमा खोप पुग्नेछ र अभियान सुरु भएको १० दिनभित्र पहिलो चरणको खोप अभियान पुरा हुनेछ ।
मन्त्री त्रिपाठीका अनुसार पहिलो चरणमा फोहोरमैला व्यवस्थापनमा खटिने फोहोर संकलन र चालक, एम्बुलेन्स तथा शव बाहनका चालक सहचालक, प्रत्यक्ष उपचार सेवा दिने वा खोप व्यवस्थापनमा खटिने स्वास्थ्यकर्मी, खोप केन्द्रमा खटिने सुरक्षाकर्मी, स्वयंसेवक, शव व्यवस्थापनमा खटिएकाहरु, स्वास्थ्य स्वयंसेवक, अन्तर्राष्ट्रिय प्रवेश विन्दुमा कार्यरत स्वास्थ्यकर्मी र स्वयंसेवकलाई खोप दिइनेछ । यस्तै वृद्धाश्राममा रहेकाहरु, हेरचाहमा खटिने कर्मचारी तथा जेलमा रहेका कैदी र सुरक्षाकर्मीलाई पनि पहिलो चरणमा खोप दिइनेछ ।
फेसबुकबाट प्रतिक्रिया दिनुहोस