काठमाडौँ । गोरखाको बारपाकमा भएको बोलेरो जीप दुर्घटनामा लम्जुङका दुई शिक्षकको मृत्यू भएको छ । एउटै विद्यालयका सातजना शिक्षक घाइते भएका छन् । घाइते मध्ये एकको अवस्था गम्भीर रहेको बताइएको छ ।
बारपाकबाट राङरुङतर्फ झर्दै गरेको ना ५ च ३२९८ नम्बरको जीप दुर्घटना हुँदा दूधपोखरी गाउँपालिका २ बिचौरको बागिश्वरी माविमा अध्यापन गराउने दुई जना शिक्षकको मृत्यू भएको र अन्य शिक्षकहरु घाइते भएका उद्धारमा खटिएका स्थानीय टेकबहादुर गुरुङले जानकारी दिए ।
शिक्षकहरु सवार जीप शनिबार साँझ साँढे छ बजे राङरुङको भीरबाट करिब ६० मिटर तलको दरौँदी नदीमा खस्दा दूधपोखरी गाउँपालिका २ बिचौरका ५५ बर्षका रामेश्वर न्यौपाने, ४५ बर्षका ठाकुर दवाडी गम्भीर घाइते भएका छन् । उनीहरुको अबस्था चिन्ताजनक रहेको र चिकित्सकले प्रमाणित नगरी यसै भन्न नसक्ने प्रहरीले जनाएको छ ।
फेसबुकबाट प्रतिक्रिया दिनुहोस